Jon Kerri ilk bor O‘zbekistonga tashrif buyuradi

AQSh Davlat kotibi Jon Kerri oktabr oyining oxiri, noyabr oyining boshlarida Markaziy Osiyo mamlakatlari, jumladan, O‘zbekistonga safar qiladi. Bu haqda AQSh Davlat departamentining rasmiy vakili Jon Kirbi ma'lum qildi.

Jon Kerrining O‘zbekistonda bo‘lib o‘tadigan ikki tomonlama uchrashuvlari Samarqand shahrida tashkillashtiriladi. Shuningdek, Bishkek, Ostona, Dushanbe va Ashxobodda mamlakat hukumatlarining yuqori lavozimli vakillari bilan ikki tomonlama muzokaralar olib boradi. Bu uning AQSh Davlat kotibi sifatida bir safar chog‘ida  Markaziy Osiyo davlatlarining barchasiga uyushtirgan ilk tashrifidir.

Samarqandda u mintaqadagi besh davlatning tashqi ishlar vazirlari bilan uchrashuvda ishtirok etadi. Uchrashuv 2015 yilda taklif qilingan AQSh va Markaziy Osiyo mamlakatlari bilan yangi “S5+1” formatdagi dialog tarzida bo‘lib o‘tadi. Vazirlar mintaqaviy va xalqaro masalalarni muhokama qilishadi.

Jon Kerri Markaziy Osiyoga Vena shahrida o‘tkaziladigan Suriya bo‘yicha muzokaralardan so‘ng safar qiladi.