Qozog‘iston Yevropa Ittifoqi rahbariyatining rasmiy tashrifini kutmoqda. Aytilishicha, ushbu tashrif doirasida kengaytirilgan hamkorlik va aloqalar to‘g‘risidagi kelishuv imzolanadi. Bu haqda mamlakat prezidenti Nursulton Nazarboyev ma'lumot berdi.
“2014 yil oktabrida Bryusselga tashrifim chog‘ida biz kengaytirilgan hamkorlik va aloqalar to‘g‘risidagi kelishuvni imzolashga tayyorgarlik ishlarini yakunlagan edik. Biz YeI rahbariyatining bu tarixiy hujjatni imzolash uchun Ostonaga kelishini kutmoqdamiz”, - dedi u bir qator davlatlarning elchilariga ishonch yorliqlarini topshirish marosimidagi chiqishida.