Yevrokomissiya prezidenti: Yevropada devorlarga o‘rin yo‘q

Yevrokomissiya prezidenti Jan-Klod Yunker hamda Avstriya kansleri Verner Fayman o‘rtasida bo‘lib o‘tgan telefon muloqoti chog‘ida Yevropa chegaralarida hech qanday devorlar bo‘lmasligi haqida yakuniy qarorga kelingan, deb xabar bermoqda Antena 3.

Yunker va Faymanning ta'kidlashicha, qarorni eng yaqin kunlarda amalga oshirish kerak. Qochqinlar ta'sirini kamaytirish maqsadida, uni Yevropa Ittifoqi mamlakat rahbarlari sammitida ko‘rib chiqish lozim.

Ularning so‘zlariga ko‘ra, faqatgina ana shu holat bilangina hududagi “gumanitar fojia”dan qochish mumkin. Siyosatchilar tomonlar bir-birlari bilan doimiy muloqotda qolishlari va o‘zaro yordam berish prinsiplariga amal qilishlari zarurligini ta'kidlab o‘tishgan.