Avstraliyada ritsarlik instituti tugatildi

Avstraliya bosh vaziri Malkolm Tyornbull mamlakatda ritsarlik institutining tugatilganini ma'lum qildi. Ilgari bunday unvon mamlakat oldida alohida xizmat ko‘rsatgan fuqarolarga taqdim etilar edi.

“Vazirlar mahkamasi ritsarlik instituti zamonaviy faxriy mukofotlar tizimiga muvofiq kelmasligiga rozi bo‘ldi”, - deb ta'kidladi Tyornbull. Shu bilan birga, mamlakatning rasmiy rahbari hisoblanadigan Buyuk Britaniya qirolichasi ham hukumat rahbarining tavsiyasiga rozi bo‘lgani ta'kidlandi.

Avstraliya davlat mukofotlari tizimi 1975 yili tasdiqlangan bo‘lib, uning tarkibida ritsarlik ham tilga olingan edi. 1986 yili ritsarlik bekor qilindi, ammo 2014 yili Tyornbulldan ilgarigi bosh vazir Toni Ebbott tomonidan qayta tiklandi. Shundan keyin ilk ritsarlik unvoni amaldagi general-gubernator Piter Kosgrouvga, ilk xonimlik unvoni esa sobiq general-gubernator Kventin Braysga berildi.