Daily Mail: Agar Mourino "Chelsi"da qolsa, Azar ketadi

Angliyaning «Chelsi» klubi yarimhimoyachisi Eden Azar jamoa bosh murabbiyi Joze Mourino o‘z lavozimida qolgan taqdirda, uning Madridning «Real» klubiga o‘tishi ehtimoli ortadi, deya xabar bermoqda Daily Mail.

Manbaning yozishicha, belgiyalik futbolchi portugaliyalik mutaxassisning turli xil ko‘rinishdagi tanqidlaridan charchagan. Futbolchi agar Mourino «Chelsi»dan ketmagan taqdirda yozgi transferlar oynasi vaqtida «Real»ga o‘tmoqchi.

Qayd etilishicha, Azar bolaligidanoq «Real»ga muxlislik qilib kelgan. Uning kumiri esa hozirda madridliklar klubi strukturasida faoliyat olib borayotgan fransiyalik Zinedin Zidan bo‘lgan.