Putin A321 samolyoti halokatini ulkan fojia deb atadi

Rossiya prezidenti Vladimir Putin Misrda halokatga uchragan A321 samolyoti yo‘lovchilarining yaqinlariga ta'ziya bildirdi.

U mamlakat transport vaziri Maksim Sokolov bilan uchrashuvi vaqtida shunday chiqish qilgan.

Putin bu voqeani ulkan fojia sifatida baholagan.

"Bunday fojiali paytda, bunday og‘ir damlarda, yaqin kishilarning ko‘magi juda ham zarurdir. Butun mamlakat aholisini hozirda ushbu fojia tufayli chuqur qayg‘uda", deydi prezident.

Eslatib o‘tamiz, 31 oktabr kuni Misr vaqti bilan 6:51 da (Toshkent vaqti bilan 9:51) Rossiyaning "Kogalimavia" aviakompaniyasiga tegishli Sharm ash-Shayx — Sankt-Peterburg yo‘nalishi bo‘yicha 9268 reysini amalga oshirayotgan Airbus-321 layneri parvozga ko‘tarilgandan 23 daqiqa o‘tib radarlar ekranidan yo‘qoldi. Mazkur samolyot bortida 217 nafar yo‘lovchi va yetti nafar ekipaj a'zosi bo‘lgan.