Tailand poytaxti Bangkok ustidan yirik yorug‘lik taratuvchi meteorit uchib o‘tdi. Guvohlar shahar osmonini yoritgan osmon jismining parvozini avtoregistratorlar yordamida olingan video tasvirlarni internetga joylashtirishdi.
Obekt bor-yo‘g‘i ikki soniya ichida uchib o‘tgan. The Bangkok Post nashri xabariga ko‘ra, Tailand astronomiya ilmiy-tadqiqot milliy instituti olimlari uning uncha katta bo‘lmagan meteorit ekanini aytib, atmosferada to‘liq yonib ketganini ma'lum qilishdi. Shuningdek, xabarda qandaydir obektning tushgani to‘g‘risida aytib o‘tilmagan.
Atmosferada osmon jismining yonib ketgani 2 noyabr kuni qayd etilgan.