Bentley dasturi avtomobil tanlashda yordam beradi

Bentley avtomobil brendi tomonidan ishlab chiqilgan The Inspirator dasturi inson hissiyotlarini baholab, unga monand avtomobil tanlashga yordam beradi, deb xabar bermoqda The Verge nashri.

Bentley iOS operatsion tizimi negizida xaridor uchun Bentley Bentayaga SUV avtomobilining eng yaxshi komlektatsiyasini tanlashga yordam beradigan dastur ishlab chiqdi. Dastur foydalanuvchi turli mavzularda video tomosha qilganda uning yuzini skaner qilib, so‘ngra uning qaysi noodatiy lavhalarga ko‘proq e'tibor qaratganini aniqlaydi. Va nihoyat, dastur foydalanuvchi hissiyotlariga mos keluvchi Bentayaga komplektatsiyasi – g‘ildirak, rang, matolarni ko‘rsatadi.

Hozir dastur faqatgina Bentayaga komplektatsiyasini aniqlay oladi, kelajakda u Bentley’ning boshqa avtomobillarini sotib olmoqchi bo‘lgan xaridorlarga moslashtiriladi.

Avvalroq bunday texnologiya Uniqlo tarmog‘i do‘konlarida kiyim tanlashda yordam bergan.