Putin Rossiyani qo‘rqitishni befoyda ish deb atadi

Rossiya prezidenti Vladimir Putin Rossiyani hech kim qo‘rqita olmasligini aytdi, deb xabar bermoqda RIA “Novosti” axborot agentligi. 

Putinning aytishicha bu “befoyda ishdir”.

“Bizni kimdir qo‘rqita olishi borasida men sizning fikringizga to‘liq qo‘shilaman – Rossiya xalqini, Dog‘istonni esa umuman hech kim hech qachon qo‘rqitishga muvaffaq bo‘lmagan va bu yuristlar aytgandek, istiqbolsiz ishdir”, deb aytdi Putin.

Putinning aytishicha, Rossiyaning maqsadi “Suriya va boshqa qayerda bo‘lmasin avvalambor terrorchilikka qarshi kurashishdan iborat”.

Putin bu haqda Dog‘istonning fan, madaniyat, diniy va jamoatchilik tashkilotlari vakillari bilan suhbati davomida aytib o‘tdi.