Nima uchun Samarqandda aholi uchun tabiiy gaz yo‘q? Axir gaz quvurlari viloyatimiz hududi orqali o‘tadi, 50ga yaqin avtomobillarga gaz quyish shoxobchalari kunu tun ishlab, quvurlardan metanni sug‘urib olmoqda. Gap nimada? Ushbu noodatiy holatning asosiy sabablari nimada, deb yozmoqda samarqandlik jurnalist Toshpo‘lat Rahmatullayev.
Maqolada Samarqand viloyatida tabiiy gaz, elektr energiyasi va ichimlik suvidagi uzilishlar sabablari, ushbu vaziyatga fuqarolarning munosabatlari keltirilgan.
Mana, bir necha yildirki, Zexni ko‘chasida gaz yo‘q, gohida soatlab elektr energiyasi bo‘lmaydi”, – deya “Samarqandshahargaz” boshlig‘i qabulxonasida turgan o‘rta yoshli erkak so‘zlaridan iqtibos keltiriladi.
“Xudoga shukr, bizda tinchlik hukm surmoqda, umid qilamizki, maishiy qiyinchiliklar tez orada ortimizda qoladi, – deya unga javob beradi keksa yoshli kishi. – O‘tgan yilga qadar bizning So‘zongaron ko‘chamizda gaz bilan bog‘liq muammo yo‘q edi. Biroq nimadir bo‘ldiyu, mana ikkinchi yildirki, uyimda gazning hidiyam yo‘q. Shahargaz boshlig‘idan gap nimadaligi, vaziyat yaxshi tomonga o‘zgaradi, bilishni istayman”.
“Darvoqe, mazkur muassasaga asosan ayollar shikoyat bilan kelishgan. Ulardan biri Nadejda Bulgakovaning aytishicha, shahar gaz xizmati boshlig‘i huzuriga uch kundan buyon qatnamoqda. “Dahbet ko‘chasidagi uyda 76 yoshli Aleksey Volkonidin og‘ir bemor, gaz yo‘q, - deydi u. – Birinchi murojaatimdan keyin uchastka inspektori uyimizga keldi. U faqat gaz yo‘qligini tasdiqladi, boshqa hech narsa qilgani yo‘q”, - deb yozadi muallif.
Gaz yo‘qligi yoki past bosimi pastligi sabab iste'molchilar Samarqand shahar gaz xizmatiga murojaat qilishmoqda. Ularning shikoyatini eshitgan shahar va viloyat gaz xizmati rahbariyati: “Gaz quvurlarida yetarli miqdorda gaz bo‘lmasa nima qilaylik?”, - deya javob berishadi...
Maqolada shahar gaz xizmati boshlig‘i Izzatulla Yo‘ldoshev shaharga talab qilingandan kam gaz berilsa, nima ham qila olar edi, deya mulohaza bildirilgan.