Ukraina qish mavsumida ko‘mirdan keng foydalanadi

Ukraina energetika vaziri Vladimir Demchishinning xabar qilishicha, mamlakatning elektr stansiyalarida 2.5 mln tonna ko‘mir to‘plangan bo‘lib, bu o‘tgan yilning shu davriga nisbatan 900 ming tonnaga ko‘proqdir. Bu haqda “Ukraina 112” telekanali efirida xabar qilindi.

“Ayni paytda elektr stansiyalari omborxonalarida ko‘mir o‘tgan yilgidagidan 900 ming tonnaga ko‘proqdir. O‘tgan yili 1.6 mln edi, hozir 2.5 mln, bu isitish mavsumini boshlab olish uchun yetarli, unga uzilishlar bo‘lmaydi, degan ishonch va xotirjamlik bilan kirishga yetarli”, - dedi vazir.

U, shuningdek, byudjyetda ko‘mir zaxiralarini to‘ldirib borish uchun 2 mlrd grivna ajratilishi ko‘zda tutilganini ma'lum qildi.