Saakashvili: Ukrainada pullar byudjyetga yetib kelib ulgurmay o‘g‘irlanadi

Odessa viloyati hokimi Mixeil Saakashvili amaldorlar endi pullarni o‘marmasa ham bo‘lishini, negaki ular byudjyetga yetib kelib ulgurmay o‘g‘irlanayotganini ta'kidladi. Bu haqda “Ukrinform” yozmoqda.

“Amaldagi davlat devoni vayron bo‘lgan. Buni hamma biladi. U obro‘ini yo‘qotdi, u hatto o‘g‘irlashga ham qobil emas, negaki pullar byudjyetga yetib bormayapti, ular ertaroq o‘marilmoqda, - dedi Saakashvili. – Uni hamma urishmoqda, hatto benzin quyib berishmayapti... Ukrainaning ko‘pchilik viloyatlarida davlat devoni va politsiyaga benzin quyib berishmayapti”.

Shu bois, uning fikricha, agar endi ish boshlagan yoshlarning maoshi oshirilmasa, 6-9 oydan so‘ng barcha ishga layoqatli xodimlar boshqaruvni tark etadi.