ATES sammitiga Putin o‘rniga Medvedev boradi

Filippinda 18-19 noyabr kunlari bo‘lib o‘tadigan ATES sammitida Rossiya prezidenti Vladimir Putin o‘rniga bosh vazir Dmitriy Medvedev ishtirok etadi.

Bu haqda Kremlning rasmiy vakili Dmitriy Peskov xabar qildi. Uning so‘zlariga qaraganda, bu holat logistik masala bilan bog‘liq bo‘lib, Rossiyaning Osiyo va Tinch okeani mintaqasidagi siyosatiga hech qanday ta'sir o‘tkazmaydi.

Peskovning tushuntirishicha, aynan shu kunlarda hukumat rahbari Janubi-Sharqiy Osiyoda boshqa bir qator uchrashuvlar ham o‘tkazishi lozim.