9 noyabr kuni AQShning Nyu-Jyersi shtatidagi Kolduell shahrida asli shotlandiyalik barabanchi, The Beatles guruhining "Love me do" qo‘shig‘i mualliflaridan biri bo‘lgan Endi Uayt 85 yoshida olamdan o‘tgan. Reyter nashrida yozilishicha, uning o‘limiga miyaga qon quyilishi sabab bo‘lgan.
"Beshinchi bitl" deb nom olgan ushbu barabanchi 1930 yilning 27 iyulida Shotlandiyaning Glazgo shahrida tug‘ilgandi. 1962 yilda u The Beatles guruhiga "Love me do" va "P.S. I Love You" qo‘shiqlarini yozish jarayonida ishtirok etish uchun taklif qilingandi. U o‘shanda Ringo Starrni almashtirgan. O‘shanda, 1962 yilning 12 sentabrida u Londondagi Abbey Road studiyasiga kelgan va 3 soat davomida baraban chalgan. Unga bu ishi uchun 5 funt sterling to‘langan.
"Beshinchi bitl" guruhning "Please Please Me" nomli albomi yaratilishida ham ishtirok etgani taxmin qilinadi.
U 1964 yilda britaniyalik qo‘shiqchi Lulu bilan Shout qo‘shig‘ining yozilishida birga ishlagan, 1 yil o‘tib esa Tom Jonsning It's Not Unusual qo‘shig‘ida ishtirok etgan. Keyinchalik ushbu barabanchi Marlen Ditrix, Bert Bakarak va Rod Styuard kabi qo‘shiqchilar bilan hamkorlik qilgan.