Samarqand viloyatidagi Oqtosh shahrida (Narpay tumani) aka-uka Akbar va Akram Qarshiyevlar mashina o‘g‘irlashda ayblanib sud qilindi. Bu haqda “Samarkandskiy vestnik” nashri yozmoqda.
Aytilishicha, bu yigitlar ko‘pdan buyon mahallalarida janjalkashligi va qo‘li egriligi bilan nom qozonib kelgan.
Bir kuni besh yigit Damas mashinasida ularning mahallasiga kelib, uyma-uy idish-tovoq sotib yurganlarida bu ikki aka-ukaga duch kelgan. Orada janjal kelib chiqqan. Qarshiyevlar yigitlarning telefonlarini tortib olishgan, so‘ng ularning mashinasiga minib ketib qolishgan.
Shunda sotuvchi huquq-tartibot xodimlariga murojaat qilishgan. Natijada Qarshiyevlar qo‘lga olinib, sudga topshirilgan.