Krishtianu Ronaldu: Menimcha, «Oltin to‘p»ni Messi oladi

"Real" jamoasi hujumchisi Krishtianu Ronaldu 2015 yilgi mavsumning eng yaxshi o‘yinchisi uchun beriladigan "Oltin to‘p" mukofotiga kim sazovor bo‘lishi haqidagi taxminini bildirib o‘tdi.

U Argentina termasi va "Barselona" jamoasi hujumchisi hisoblanadigan Lionel Messi bu mukofotga hammadan ko‘proq munosibligini ta'kidlab o‘tgan.

"Rostini aytsam, bu safar "Oltin to‘p"ni Messi olishi kerak. Albatta, sen o‘z jamoang bilan YeChLda va Primerada g‘olib bo‘lsang, o‘z-o‘zidan bu yutuqni yutish uchun ko‘proq imkoniyatga ega bo‘lasan. Agar sen o‘z faoliyatingdagi eng yaxshi mavsumni o‘tkazsang va hammadan ko‘proq gol ursangu, jamoang bilan eng yaxshi natijalarni ko‘rsata olmasang, senga ko‘p ovoz berishmaydi. Bu safargi mukofotni qo‘lga kiritishim qiyin. Lekin bu meni xavotirga solmaydi. Bunday mukofotdan uchtasini olib bo‘lganman.

Messi bilan raqobatlashamanmi? Men hech kim bilan raqobatlashmayman. Xususan, Messi bilan yaxshi aloqalarga egaman. Biz 8 yil davomida u bilan FIFA sahnalariga birga chiqib kelamiz. O‘tmishda bunday holat kuzatilmagan. U bir jamoa uchun o‘ynaydi, men boshqa jamoa uchun o‘ynayman. U juda ko‘p g‘alabalarga erishgan. Men ham ko‘plab g‘alabalarga erishganman. Men u bilan juda yaqin do‘stmiz, deya olmayman, lekin biz do‘stona munosabatdamiz", deydi Ronaldu ITV kanaliga bergan intervyusida.