Pokiston bosh vaziri Muhammad Navoz Sharif O‘zbekistonga keldi

Pokiston Islom Respublikasi Bosh vaziri Muhammad Navoz Sharif O‘zbekiston Respublikasi Prezidenti Islom Karimovning taklifiga binoan O‘zbekistonga rasmiy tashrifini boshladi.

Toshkent xalqaro aeroportida oliy martabali mehmonni O‘zbekiston Respublikasi Bosh vaziri Shavkat Mirziyoyev kutib oldi. 

Tashrif dasturidan ikki mamlakat rahbarlarining uchrashuv va muzokaralari o‘rin olgan. Ularda O‘zbekiston va Pokiston o‘rtasidagi siyosiy, savdo-iqtisodiy, madaniy-gumanitar va boshqa sohalarda hamkorlikning bugungi holati va uni yanada rivojlantirish istiqbollarini muhokama qilish, mintaqaviy va xalqaro muammolar yuzasidan fikr almashish rejalashtirilgan.

Tashrif yakunlari bo‘yicha O‘zbekiston Respublikasi bilan Pokiston Islom Respublikasi o‘rtasida Qo‘shma deklaratsiya qabul qilinishi, turli sohalardagi o‘zaro hamkorlikni mustahkamlashga qaratilgan hujjatlar imzolanishi mo‘ljallangan.