Bugun, 21 noyabr kuni Oliy liga 30-turi doirasida oxirgi uchrashuvlar o‘tkazildi va milliy chempionatning joriy mavsumi yakunlandi.
Joriy mavsum chempioni nomi oxirgi turda aniqlandi. Toshkent shahridagi "Paxtakor" markaziy stadionida o‘tkazilgan «Paxtakor» – «Andijon» uchrashuvi mezbonlarning 6:0 hisobidagi g‘alabasi bilan yakunlandi.
Toshkentdagi o‘yinning 13-daqiqasida Maxaradzening pasidan so‘ng Masharipov jarima maydoniga kirib bordi va darvozani ishg‘ol qildi - 1:0. Taym so‘nggida Iskanderovning pasidan keyin Javohir Sohibov chamasi 20 metrlardan kuchli zarba bilan darvozani ishg‘ol qildi, to‘p to‘singa tegib darvoza ichiga borib tushdi - 2:0. Andreyevning pasidan so‘ng Krimets boshi bilan darvozani ishg‘ol qildi - 3:0.
72-daqiqada 11 metrli jarima to‘pini ishlagan Sergeyevning o‘zi gol urdi - 4:0. O‘yin tugashiga 5 daqiqa qolganida Igor Sergeyev dublga erishdi - 5:0. Oradan ikki daqiqa o‘tib Anvar Soliyev penaltidan o‘yinning so‘nggi golini urdi - 6:0.
Bu g‘alaba evaziga "Paxtakor" hisobidagi ochkolar soni 75taga yetdi va jamoa o‘z tarixidagi 11-chi chempionlikka erishdi.
Jamoaning asosiy hujumchisi Igor Sergeyev "Andijon"ga qarshi o‘yinda 2ta gol urish evaziga o‘z gollari sonini 23taga yetkazib, mavsum to‘purariga aylandi.
Bu o‘yin bilan parallel ravishda Namanganda o‘tkazilgan «Navbahor» – «Lokomotiv» uchrashuvida mehmonlar 3:2 hisobida g‘alaba qozonishdi. «Lokomotiv» 74 ochko bilan ikkinchi o‘rinda qoldi.
Oliy Liga 30-tur
«Paxtakor» – «Andijon» - 6:0
Gollar: Masharipov 15, Sohibov 41, Krimets, 45+1, Sergeyev 72 (pen), 84, Soliyev 87 (pen).
«Paxtakor»: Lobanov, Andreyev, Krimets, Kozak, Hoshimov, Sohibov, Maxaradze (s), Karimov, Iskanderov, Masharipov, Sergeyev
«Andijon»": Isaboyev, Husanov, Tursunov, Boboxonov, Otaxonov, Jumaboyev, Abdullayev, Guseynov, Asqaraliyev (s), A.Rahmonov, Bekmurodov.
Chetlatish: Sanjar Asqaraliyev 74
«Navbahor» – «Lokomotiv» - 2:3
Gollar: Temurxo‘ja Abduxoliqov 44, - 0:1 (Temur Kapadze). Otabek Valijonov 53, - 1:1 (Tohir Shamsiddinov). San'at Shixov 68, - 2:1. Lutfulla To‘rayev 90+1, - 2:2. Mo‘ydin Mamazulumov 90+3, - 2:3.
«Navbahor»: Akmal Ortiqov, Alisher Samatov, Rahmatillo Berdimurodov, San'at Shixov, Azim Ahmedov, Otabek Valijonov, A'zam Aliyev, Shahboz Erkinov, Robbim Hasanov, Dilshod Jabborov (S), Tohir Shamsitdinov.
«Lokomotiv»: Ma'mur Ikromov, Bobir Yo‘ldoshev, Dilshod Rahmatullayev, Marat Bikmayev, Timurxo‘ja Abduxoliqov, Lutfullo To‘rayev, Jasur J. Hasanov, Timur Kapadze, Islom To‘xtaxo‘jayev, Sanjar Shoahmetov, Oleg Zoteyev.