Moskvada Suriya dunyoga keldi

2015 yilning noyabrida Rossiya poytaxtida tug‘ilgan qizaloqlardan biriga Suriya ismi berildi. Bu haqda “Analiticheskiy sentr” davlat byudjyet muassasasiga tayangan holda “Moskva” yangiliklar agentligi xabar berdi.

“Shahardagi FHDYo tuman bo‘limlaridan birining ma'lumotlariga qaraganda, 2015 yil noyabrining uchinchi dekadasida poytaxtda yangi ism paydo bo‘ldi – Suriya, - dedi agentlikning suhbatdoshi. – Otasi ayni kunlarda Yaqin Sharqda xizmat komandirovkasida bo‘lgan shu kunlarda tug‘ilgan qizaloqqa aynan shunaqa ism berildi”.

Markaz vakilining so‘zlariga qaraganda, bunday holat Moskvada tez-tez kuzatib turiladi. Shahar aholisi ichida 2 nafar Rossiya, shuningdek, 1 nafardan Vizantiya, Indiya, Rossiyana, Chelsi, Maksim-Moskva, Nikolay-Nikita-Nil, Arxip-Ural, Sevastopol va Monino-Nikita ismlari bor. Bundan tashqari, poytaxtda 2 nafar Luna (Oy) ismli qizlar bor.