Qohirada 4 nafar politsiyachi otib ketildi

Misr poytaxti Qohira chetidagi blokpostga uyushtirilgan hujum oqibatida 4 nafar politsiyachi halok bo‘ldi. Al-Ahram gazetasining yangilik portali xabar berganidek, hujum mashhur Joser ehromi joylashgan Sakkara nekropoliga eltadigan trassa ustida amalga oshirilgan.

Noma'lum shaxslar mototsikllarda blokpostga yaqinlashib, ularga qarata avtomatik quroldan o‘t ochgan. Ayni paytda voqea yeri o‘rab olinib, dastlabki tekshiruv o‘tkazilmoqda.