Su-24 uchuvchisining jasadi Moskvaga olib kelinmoqda

Suriyada urib tushirilgan Su-24 samolyoti uchuvchisi Oleg Peshkovning jasadi ortilgan samolyot Moskvaga yetib kelishi kutilmoqda.

Bu haqda RIA Novosti agentligiga Lipetsk viloyati ma'muriyati xabar qilgan.

"Oleg Peshkovning jasadi solingan tobut avvaliga tez yordam mashinasida Turkiya janubida, Suriya bilan chegara yaqinidagi Xatay aeroportining yozgi maydoniga olib kelindi. So‘ng Anqaraga yetkazildi, uni aerodromda Rossiya elchisi va harbiy attashesi kutib oldi.

So‘ngra samolyot Moskvaga uchgan. Mudofaa vazirligi barcha jarayonni o‘z nazoratiga olgan", deydi manba.

Uchuvchining jasadi Lipetskka dafn etiladi.

Uning jasadi sud tibbiy-ekspetrizasidan o‘tkaziladi.

Eslatib o‘tamiz, 24 noyabr kuni Suriya osmonida urib tushirilgan Su-24 bombardimonchi samolyoti Suriyaning Lataqiya viloyati hududiiga, Turkiya chegarasiga yaqin bo‘lgan hamda Rossiya aviatsiyasi bazasi joylashgan hududga qulagandi.

Samolyotni urib tushirgan Turkiya tomoni samolyot o‘z havo kengliklarini buzib o‘tganlikda ayblab urib tushirgan.

Moskva tomoni esa bu ayblovni tan olmagan.