Medvedev 14-17 dekabr kunlari Xitoyda bo‘ladi

Rossiya bosh vaziri Dmitriy Medvedev 14-17 dekabr kunlari Xitoyda rasmiy safar bilan bo‘ladi. Bu haqda RIA Novosti agentligi xabar bermoqda.

“Tashrif doirasida Rossiya Federatsiyasi hukumati raisi ShHT hukumatlari rahbarlari Kengashi yig‘ilishida ishtirok etadi (14-15 dekabr, Chjenjou shahri), internetni boshqarish bo‘yicha Ikkinchi Butunjahon konferensiyasining ochilish marosimida chiqish qiladi (16 dekabr, Uchjen shahri)”, - deyiladi bu borada tarqatilgan hukumat xabarnomasida.

Shuningdek, Medvedev XXR Davlat kengashi bosh vaziri Li Ketsyan bilan 20-muntazam Rossiya va Xitoy hukumatlari rahbarlari uchrashuvini o‘tkazadi.