Rossiya prezidenti Vladimir Putin Parijdagi Iqlim o‘zgarishi konferensiyasining suratga tushish marosimi va motam tadbirlarida nega ishtirok etmaganini tushuntirdi. Uning aytishicha, bu “texnik sabablar”ga bog‘liqdir.
Le-Burjda o‘tgan matbuot anjumanida unga jurnalistlardan biri shu savolni berdi.
“Mening suratga tushish marosimi va motam tadbirlarida ishtirok etmaganim texnik xarakterdagi masaladir”, - dedi u.
Putin bu “grafik masalasi” hamda “hamkasblar bilan konferensiyadagi chiqishlar va ikki tomonlarni muhokama qilish” bilan bog‘liqligini ta'kidlab o‘tdi.
Shuningdek, Putin Parijdagi teraktlardan so‘ng Rossiya birinchilar qatorida Fransiyaga hamdardlik bildirganini eslatib o‘tdi.
“Rossiya teraktlarga ko‘p bora duch kelgan va ulkan yo‘qotishlar ko‘rgan”, - dedi u, A321 halokatini yodga olarkan.
Parijda Putinning turkiyalik hamkasbi Rajab Toyib Erdo‘g‘an bilan uchrashuvi belgilanmagan bo‘lsa ham, ular suratga tushish marosimida yuzma-yuz bo‘lishi mumkin edi. Ayrim jurnalistlar Putin shu tufayli kech qolganini taxmin qilmoqda.
Parijda Putin AQSh prezidenti Barak Obama, Germaniya kansleri Angela Merkel, XXR raisi Si Tszinpin va Yevrokomissiya raisi Jan-Klod Yunkerlar bilan uchrashdi.