Erdo‘g‘an Rossiyaning o‘zini IShIDdan neft sotib olishda aybladi

Turkiya prezidenti Rajab Toyib Erdo‘g‘an Rossiyaga qarshi jiddiy ayblov bilan chiqdi. Uning fikricha, IShID neftini Turkiya emas, Rossiyaning o‘zi sotib olmoqda. Bu haqda G‘arbdagi nashrlarga asoslangan holda "Interfaks" agentligi xabar tarqatgan.

"Bizda bunga isbot bor. Biz ulardan farqli ravishda o‘z dalillarimizni butun dunyoga oshkor qila olamiz", degan Erdo‘g‘an Anqaradagi chiqishi vaqtida.

Uning so‘zlariga ko‘ra, jangarilardan katta miqdorda neft sotib olgan shaxslardan biri Jorj Hasvani bo‘lib, u Rossiya fuqarosi hisoblanadi.

Bungacha Rossiya tomoni Turkiya prezidenti oilasiga tegishli kompaniya IShIDning neftini xarid qilish bilan shug‘ullanayotganligini bir necha marta ta'kidlagandi.

Erdo‘g‘an esa bunga javoban "Turkiyaga tuhmat qilishga hech kim haqli emasligini" bildirgan.