JAR va Xitoy 7 mlrd dollarlik bitimlarni imzoladi

Janubiy Afrika Respublikasi va Xitoy qariyb 7 milliard dollarlik 26ta shartnomani imzoladi. Bu haqda JAR prezidenti Jyeykob Zuma XXR raisi Si Tszinpin bilan bo‘lib o‘tgan muzokaralardan so‘ng ma'lum qildi.

Hujjatlar sanoatlashtirish, maxsus iqtisodiy zonalar, infratuzilmalar, maqbul kreditlashtirish va boshqa muhim sohalarni qamrab oladi.
Zumaning so‘zlariga ko‘ra, XXR bilan munosabatlar ayni paytda yuqori darajada bo‘lib, ular Si Tszinpin bilan yangi munosabat o‘rnatishgan.
Ikki davlat o‘rtasidagi savdo aylanmasi hajmi 2015 yilda 60,3 mlrd dollar, Xitoyning Afrika qit'asidagi yetakchi iqtisodiyotga ega mamlakatiga kiritgan sarmoyasi miqdori esa 13 mlrd dollarni tashkil etdi.

Si Tszinpin 4-5 dekabr kunlari JARga ikki kunlik davlat tashrifi bilan borib, Yoxanesburgda 2- Xitoy-Afrika hamkorlik sammitida ishtirok etadi.
Xitoy Afrika mamlakatlarining asosiy savdo hamkori bo‘lib, 2014 yilda o‘zaro savdo ayriboshlash hajmi 220 mlrd dollarni tashkil etdi, qit'a iqtisodiyoti va boshqa sohalari rivoji uchun XXR 32,4 mlrd dollarlik investitsiya kiritdi.