"Tolibon" jangarilariga keyingi bir necha oy davomida rahbarlik qilgan mulla Axtar Mohham Mansur Afg‘onistonda biroz oldin bo‘lib o‘tgan jangda olgan og‘ir jarohatlari tufayli halok bo‘lgan. Bu haqda "Sinxua" agentligi xabar tarqatgan.
Mulla Mansur tashkilot ichida chiqqan nizolar tufayli sodir bo‘lgan otishma vaqtida jarohatlangandi.
“Tolibon” iyul oxirida guruhning sobiq yetakchisi Mulla Umarning halok bo‘lganini rasman tasdiqlagan va shu sababli uning o‘rniga uning o‘rinbosari Axtar Muhammad Mansur tayinlangan.
Afg‘onistondagi vaziyat oxirgi oylarda anchagina yomonlashgan. Avval mamlakatning tog‘li hududlarida kattagina yerlarni egallab olgan “Tolibon” yirik shaharlarga hujum qilishni boshlagan. Sentyabr oxirida “Tolibon” jangarilari 300 mingdan ko‘proq aholiga ega Qunduz shahrini bosib olgan, hozirda esa G‘azna viloyatining ma'muriy markazi hisoblangan G‘azna shahriga hujumlar olib bormoqda.