17:12 / 17.12.2015
6980

Putin: Blatterga Nobel mukofotini berish kerak

Bugun, 17 dekabr kuni, Rossiya prezidenti Vladimir Putin jurnalistlarni o‘n birinchi marta katta matbuot anjumaniga to‘plab, ularga o‘n birinchi marta “yil hisoboti”ni o‘qib eshittirdi. U o‘z nutqi davomida Rossiyaning 2018 yilgi jahon chempionatini qabul qilishi haqida to‘xtalar ekan, FIFAda yuzaga kelgan muammolar hamda tashkilotning uzoq yillik prezidenti Yozef Blatter haqida gapirib o‘tdi.

Rossiya prezidenti 79 yoshli futbol amaldorining sohada amalga oshirgan ishlarini e'tirof etib, unga Nobel mukofoti berilishi kerakligini aytdi.

U, shuningdek, Rossiya JCh-2018 mezbonligini qo‘lga kiritish uchun hech kimga bosim o‘tkazmagani va mezbonlik huquqi sog‘lom raqobat asosida qo‘lga kiritilgani haqida aytib o‘tgan.

"Blatter dunyo futboli uchun juda ko‘p ishlarni amalga oshirgan. Uning bajargan ishlari ko‘lami va futbol rivojiga qo‘shgan hissasi juda kattadir. U hamisha futbolga shunchaki sportning bir turi sifatida emas, davlatlar va millatlar o‘rtasidagi tinchlik elchisi sifatida qaragan. Aynan mana shuning u Nobel mukofotiga loyiqdir", deydi Putin.

Eslatib o‘tamiz, Blatter oktabr oyida FIFA tizimidagi poraxo‘rlik jinoyatlarini tekshirish ishlari doirasida 90 kunga futboldan chetlashtirilgandi.

Top