Arktikada masjid qurildi

Kanadaning Arktika hududida joylashgan Nunavute provinsiyasida minorali masjid bunyod etildi, deb yozadi Muxlis.uz portali. Uning qurilishi uchun mahalliy musulmonlar uzoq yillar harakat qilishdi. Orzudagi masjidning qurilishiga bir qancha to‘siqlar g‘ov bo‘lgan. Ya'ni bu iqlim bilan bog‘liq muammolar, obektga qurilish materiallarini yetkazib berishdagi murakkabliklar va hakazo.
Kanadadagi Islom hayriya tashkilot menejyeri Husayn Guistiyning fikricha, mintaqada boshqa muammolar ham mavjud edi. Masalan, Kanada provinsiyasidagi yerlar juda qimmat. Shu bois, mahalliy musulmonlar kommunakatsiya yetib bormagan yerni sotib olishgan va qurilish boshlashgan. Qurilish ishlari hali to‘liq o‘z nihoyasiga yetmagan bo‘lsa-da, mahalliy musulmonlar bundan juda xursand. Ma'lumotlarga ko‘ra, masjid 31 dekabr sanasida rasman ochiladi.