Xonanda Kaniza konsertida turmushga chiqadi

Xonanda Kaniza to‘yini o‘zining yakkaxon konsert dasturi chog‘ida tashkil etishni rejalashtirmoqda. Bu haqda Sayyod.com sayti xabar bermoqda.

“Hozir bir minut dam olish yo‘q, konsertimda to‘yim bo‘lgani uchun maxsus yor-yor qo‘shig‘i xam tayyorlamoqdaman, - uning so‘zlarini keltiradi sayt. – Shu kuni xalq oldida turmushga chiqaman. Shu uchun xam konsert bir kun bo‘ladi. Bu reklama va piar emas, bu qarorga mana bugun aniq keldik va bemalol rasman e'lon qila olaman.

Kontsert kunini xozircha sir saqlashim kerak, zero bu sanada nafaqat to‘yim balki ijodimga 10 yil bo‘ladi va yana bir muhim sana shu kun bilan bog‘liq. Uni konsert kunim rasman e'lon bo‘lganida aytaman. Uch muhim sana bir kunda bo‘ladi. Xullas, turmush o‘rtog‘im meni shu kuni saxnadan uyiga olib ketadi”.