Saytga qo‘yilayotgan xabarlarni o‘quvchilarga yetkazishga katta e'tibor qaratadigan Kun.uz sayti Telegram’da o‘zining rasmiy kanalini ochdi. Kanalga a'zo bo‘lish uchun Telegram’da “kunuzofficial” deb qidiruv berish yoki ushbu havola bo‘yicha o‘tib, “Join” tugmasini bosishlari kerak bo‘ladi.
Kanalning xatoliklarsiz ishlashi uchun Telegram'ning eng so‘nggi versiyasini o‘rnatish lozim.
Rasmiy kanalning ochilgani Telegram’dagi bot faoliyatini to‘xtatmaydi. Botga a'zo bo‘lgan foydalanuvchilar avvalgidek xabarlarni o‘qib borishlari mumkin.
Hozirda kanalda eng muhim xabarlar berib borish rejalashtirilgan.
Bundan tashqari foydali ma'lumotlarni olish va yaxshi kayfiyatda yurishni istaganlar uchun xabardoruz (havola) hamda futbol muxlislari uchun eng so‘nggi yangilik va tezkor gollarni kuzatib borish imkonini beruvchi tribunauz (havola) kanallari ham ochildi.