"Manchester Siti" jamoasining amaldagi bosh murabbiyi mavsum yakunida o‘z o‘rnini Xosep Gvardiolaga bo‘shatib bergan taqdirda ham ishsiz qolmaydi. Fox Sports tomonidan xabar berilishicha, chililik murabbiy Joze Mourinoni ishdan bo‘shatgan "Chelsi" jamoasining "nishonida turibdi".
Ma'lumot uchun, "Chelsi"ni hozirda gollandiyalik Gus Xiddink boshqarib turibdi, lekin u joriy mavsum so‘nggiga qadar taklif etilgan.
Bundan oldinroq, mavsum so‘nggida "Bavariya"ni tark etadigan Xosep Gvardiola "Manchester Siti"da ish boshlashi mumkinligi haqida xabar berilgandi.