Ispaniyadagi parlament saylovida amaldagi hukmron partiya g‘alaba qozondi

20 dekabr kuni Ispaniyada parlamentga saylovlar bo‘lib o‘tdi. Ushbu saylov tarixiy ahamiyatga ega bo‘lib, uning natijasida qariyb 30 yildan ko‘proq vaqt mavjud bo‘lgan ikki partiyali tizimga barham berilishi nazarda tutilgan.

Saylov uchastkalari ertalab soat 9da ochilgan va ovoz berish jarayoni soat 20.00ga qadar davom etdi.

Oxirgi ma'lumotlarga ko‘ra, saylovda Ispaniya bosh vaziri Mariano Raxoya boshchiligidagi Xalq partiyasi g‘alaba qozongan.

Ispaniya IIV sayti ma'lumotiga ko‘ra, hukmron partiya parlamentda 126ta o‘rin olgan.

Ikkinchi o‘rin esa Ispaniya sotsialistik ishchilar partiyasiga tekkan. Bu partiya 95ta o‘rinni qo‘lga kiritgan. Uchinchi o‘rinda qolgan Podemos partiyasi 39ta, To‘rtinchi o‘rindagi "Fuqarolar" partiyasi 30ta mandat olgan.

Kongressdagi (quyi palata) 350 deputatlik o‘rni uchun va Senatdagi 208 o‘rin uchun 4353 nomzod – 2263 erkak va 2090 ayol kurash olib bordi. Nomzodlar 13ta siyosiy partiya va birlashmalardan ko‘rsatilgandi.

Ma'lumot uchun, Ispaniyada 36,5 million kishi ovoz berish huquqiga ega. Ulardan 1,9 millioni xorijda istiqomat qiladi. Shuni hisobga olib, xorijiy mamlakatlarda 22,9 ming saylov uchastkasi tashkil etildi. Qariyb 1,6 million odam saylovda birinchi bor ishtirok etgan.

Saylov uchun davlat byudjyetidan 130,24 million yevro ajratildi.