«Lester» jamoasi hujumchisi Angliyaning boshqa bir jamoasi «Chelsi» safida paydo bo‘lishi mumkin.
The Telegraph nashri xabariga ko‘ra, londonliklar jamoasi rahbariyati 28 yoshli bu futbolchini qishki transferlar vaqtidayoq 30 million funt evaziga xarid qilish rejasini tuzishgan.
Nashrning yozishicha, «Lester» Vardidan voz kechmoqchi emas va u bilan bitimni yangilamoqchi.
Qayd etilishicha, bu futbolchiga «Chelsi»dan tashqari «Manchester Siti» ham qiziqmoqda. «Shaharliklar» o‘zlarining asosiy hujumchisi Aguero yana bir bor jarohat olsa, Vardini transfer qilish uchun jiddiy harakat boshlashi aytilgan.
Joriy mavsumda Vardi APLning 17ta o‘yinida maydonga tushib, 15ta gol hamda 4ta golli uzatmaga mualliflik qilgan.