Avakov: Saakashvili korrupsiyaga qarshi kurashda hech qanday muvaffaqiyatga erishmagan

Saakashvili korrupsiyaga qarshi kurashda hech qanday muvaffaqiyatga erishmagan. Ukraina ichki ishlar vaziri Arsen Avakov “Ukrainskaya pravda” nashriga bergan intervyusida Odessa viloyati gubernatori Mixail Saakashvilining faoliyatiga izoh berdi.

Avakovning aytishicha, Saakashvili ushbu lavozimga tayinlangandan beri korrupsiyaga qarshi kurashda hech qanday muvaffaqiyatga erishmagan.
“Bu shikoyat qilishga o‘rin qoldirmaydigan ayblov qo‘yish huquqi va va'zxonlik qayerdan? Balki unga bu huquq uning faoliyatining katta amaliy natijasida berilgandir? Men Odessada uning yarim yillik faoliyati davomida korruptsionerlarning qabristoni yoki qo‘lga tushgan korruptsionerlar bilan to‘lib-toshgan qamoqxonalarni ko‘rmayapman.

Unga juda katta vakolatlar berilgan, hech qaysi gubernatorda bunchalik ko‘p vakolat yo‘q”, deb aytdi Avakov. Avvalroq Avakov Saakashvili tomonidan unga bildirilgan ayblovlar yuzasidan o‘z obro‘si va sha'nini himoya qilish yuzasidan uning ustidan sudga da'vo arizasi topshirganini aytdi.

23 dekabrda o‘tgan aksilkorruptsion forum davomida Mixail Saakashvili Ukrainada partiyadan tashqari keng aksilkorruptsion harakat tashkil etilganini ma'lum qildi.