Rossiyada yangi bosh muftiy tayinlandi

Tatariston muftiysi Komil Samig‘ullin Rossiyaning yangi bosh muftiysi etib tayinlandi, deb xabar bermoqda RIA Novosti agentligi.

“Komil hazrat oliy muftiy etib tayinlandi va bu farmon Rossiya musulmonlar markaziy diniy boshqarmasi tomonidan tasdiqlandi”, - dedi ilgari bu lavozimni egallab turgan Talg‘at Tojuddin.

“Biz uni Rossiya musulmonlarining oliy muftiysi o‘laroq qabul qilamiz. U fatvolar chiqarish, diniy o‘quv muassasalari uchun ta'lim dasturlarini tayyorlash va ularni nazorat qilish, adabiyotlarni nashr qilish va ularda ekstremizm bor-yo‘qligini tekshirish uchun mas'ul bo‘ladi”, — qo‘shimcha qildi Tojuddin.

Tojuddinning o‘zi bu lavozimda ketganidan so‘ng musulmonlar markaziy diniy boshqarmasiga rahbarlik qiladi. Samig‘ullin ayni paytda Tatariston diniy boshqarmasi rahbari bo‘lib ham qoladi.