APLning 19-turi: «Lester» «Manchester Siti»ni yenga olmadi

Angliya Premer-ligasining 19-turi doirasida musobaqa jadvalining ikkinchi va uchinchi pog‘onalarida borayotgan jamoalar to‘qnash kelishdi. Mavsum kashfiyotiga aylangan "Lester" va "Manchester Siti" jamoalari o‘rtasidagi o‘yinda hisob ochilmadi.

Birinchi bo‘limda "shaharliklar" ustunlikka erishgan bo‘lsalar, "tulkilar" qarshi hujumda o‘ynadilar. Ikkinchi bo‘limda esa "Lester" ko‘proq hujumga tashkil qilishga harakat qildi. Uchrashuv davomida tomonlar deyarli bir xil sondagi xavfli vaziyatlarni yaratishdi. Ammo hech bir jamoaga gol urish nasib etmadi.

Ushbu durangdan keyin "Lester" o‘z ochkolarini 39taga yetkazib, "Arsenal" bilan tenglashib oldi. "Manchester Siti" esa ulardan 3 ochko ortda qolgan holda 3-o‘rinda bormoqda.

APL, 19-TUR
"Lester" – "Manchester Siti" 0:0 (0:0, 0:0)
Lester – Shmeyxel, Simpson, Fuks, Morgan, Xut, Kante, Drinkuoter (King, 80), Olbrayton (de Lat, 90), Inler (Uloa, 67), Marez, Vardi.
Manchester Siti – Xart, Mangalya, Kolarov, Sanya, Otamendi, Fernandino, Ture, de Bryuyne, Silva (Navas, 74), Sterling (Ixeanacho, 89), Aguero (Boni, 64).