El-Xaji Diuf «Liverpul»dagi sobiq jamoadoshlari Karrager va Jyerrard haqida kutilmagan gaplarni aytdi

«Liverpul» jamoasining sobiq senegallik futbolchisi El-Xaji Diuf sobiq jamoadoshlari Jyeymi Karrager va Stiven Jyerrard haqidagi o‘z haqiqatlarini aytib o‘tdi.

"Men Rojdestvo bilan tabriklashni eng kam darajada istaydigan odam bu Jyeymi Karragerdir. Uni juda yomon ko‘raman. Uni maydondagi ulkan kurkaga o‘xshatardim. Men uni umuman befoyda futbolchi sifatida bilaman.

Stiven Jyerrard esa jamoa uchun muhim o‘yinchi edi. Uni jamoa afsonasi ham deyishadi. Lekin u o‘ta xudbin futbolchi edi. Hamma ham uni yaxshi tanimaydi, faqat futbol protokollaridan bilishadi uni", deydi senegallik futbolchi Fransiyadagi So Foot nashriga bergan intervyusida.

Bunga javoban Jyeymi Karrager bosiqlik bilan munosabat bildirgan.

"Bu har holda "echki" deyishlaridan yaxshiroq. Menga avval ham ko‘plab laqablar to‘qishgan", deya yozgan Karrager o‘z tvitterida.

Ma'lumot uchun, 2002 yilgi Jahon chempionatidagi ishtirokidan keyin Diuv «Liverpul» safiga kelib, 2005 yilgacha shu jamoada o‘ynagandi. U jami 55ta o‘yinda maydonga tushib, 3ta gol urgan.