Bugungi kunda GSM va CDMA tarmoqlarida mobil aloqani taqdim etuvchi O‘zbekistondagi yagona operator bo‘lmish UZMOBILE Yangi yilga xush kayfiyat tilab, ezgu niyatlar bilan yangi aksiyalar haqida e'lon qildi.
Bayram arafasida UZMOBILE mobil aloqa milliy operatori CDMA-450 standartiga ulanayotgan abonentlarga “Yangi Yilga UZMOBILE bilan” aksiyasini taqdim etmoqda.
Bu aksiyaga ko‘ra joriy yilning 30 dekabridan 2016 yilning 29 fevraliga qadar jismoniy shaxslar uchun “Statsionar-500”, hamda yuridik shaxslar uchun “Korporativ-500” tarif rejalariga yangi ulangan abonentlar 2016 yil 29 fevraliga qadar sifatli aloqadan abonent to‘lovisiz foydalana olishadi. Mijozlarga qulayliklar yaratish maqsadida, “O‘zbektelekom” AK sotuv va xizmat ko‘rsatish ofislarida CDMA standartida ishlaydigan bir qator mobil, hamda statsionar telefonlarni xarid qilish imkoniyati ham mavjud.
CDMA standartida aloqa - sifatli, ishonchli, keng tarmoqli, xavfsizligi yuqori darajada bo‘lishi bilan ajralib turadi. Bugungi kunda respublikamiz hududi bo‘ylab yuz minglab abonentlar UZMOBILE CDMA standarti aloqasiga o‘z ishonchini bildirib kelmoqda. Mobil aloqa milliy operatori CDMA-450 standarti mobil aloqasi bilan qamrab olish darajasi 85 foizni tashkil etib, hatto olis aholi punktlarini ham qulay, sifatli va ishonchli aloqa bilan ta'minlab kelmoqda.
UZMOBILE abonentlarga raqobatbardosh statsionar va mobil telefonlarga mo‘ljallangan tariflar va turli xizmatlar, ya'ni: chaqiriqlarni boshqa manzilga yo‘llash, uch tomonlama qo‘ng‘iroq (konferensaloqa), ovozli pochta (VMS), qisqa xabarlar xizmati (SMS), mobil Internet, virtual xususiy tarmoq (VPN), xalqaro muqobil qo‘ng‘iroqlar, qisqa raqamlar, gudok o‘rniga musiqa va boshqa xizmatlarni taqdim etib kelmoqda.
Ma'lumot uchun: CDMA (inglizcha Code Division Multiple Access) – uzatish kanallari umumiy chastotaga ega bo‘lgan aloqa uzatish texnologiyasidir. CDMA standarti tarmog‘ining afzalliklaridan biri, bu uzatish kanallaridagi xavfsizlikning yuqori darajada bo‘lishi hisoblanadi. CDMA standartida ishlaydigan telefonlar “O‘zbektelekom” AK xizmat ko‘rsatish ofislarida sotuvda mavjud.