CES-2016: Harman ilk bor Office va Skype dasturlarini avtomobillarga o‘rnatadi

Harman kompaniyasi avtomobillarga Microsoft Office 365 dasturlar to‘plamini o‘rnatadigan jahondagi birinchi avtomobillar uchun ko‘ngilochar tizimlar ishlab chiqaruvchi bo‘ladi. Bu haqda kompaniya CES-2016 ko‘rgazmasida ma'lum qildi.

Ma'lum qilinishicha, avtomobillar Office 365 dasturlar to‘plamiga kiruvchi barcha dasturlar – Word, Excel, PowerPoint va Skype dasturlari bilan ta'minlanadi. Haydovchi va yo‘lovchi dastur yordamida xatlarga javob bera olishi, uchrashuvlarni belgilashi va ko‘chirishi, hattoki rulni qo‘ldan uzmagan holda hujjatlarga tuzatishlar kiritish mumkin bo‘ladi, bunga Microsoft Cortana ovozli yordamchisi yordamida erishiladi.

Bu tizim qaysi mashinalarda va qachon paydo bo‘lishi haqida ma'lumotlar berilmagan. Biroq, kompaniya bu borada Audi, BMW, Mercedes, Jeep, Toyota va hattoki mototsikllar ishlab chiqaruvchi Harley-Davidson bilan ishlayotgani ma'lum.