Moskvada bemor shifokor bilan mushtlashib, olamdan o‘tdi

Moskva viloyatidagi Belgorod shahri shifoxonasining qabul bo‘limida bemor halok bo‘ldi, deb xabar beradi “360 Podmoskove” telekanali. Kamera yozuvi 29 dekabr kuni internetda chop etilgan bo‘lsa ham, voqealar qachon sodir bo‘lgani aniq emas.
Videolavhada ko‘rinishicha, bemorni dastlab ayol shifokor ko‘zdan kechirgan, shundan so‘ng kabinetga erkak shifokor va bir qiz kirgan.

Shifokor bemor bilan nimalarnidir gaplashganidan so‘ng ular o‘rtasida mushtlashuv boshlanib ketgan. Mushtlashuvga bemorning sherigi ham qo‘shilgan.
Bemor bitta zarbadan so‘ng yerga qulab, qaytib turmagan, uning sherigi esa shifokor ketganidan so‘ng turgan.

Bemorni jonlantirishga bo‘lgan urinishlar natija bermagan; aytilishicha, bemor o‘sha yerning o‘zida olamdan o‘tgan.