Eron Airbus kompaniyasidan 114 ta samolyot sotib oladi

Eron Airbus kompaniyasi bilan 114 ta samolyot sotib olish bo‘yicha kelishuv imzoladi, deb xabar bermoqda Reuters axborot agentligi.

Bu haqda Eronning yo‘llar va shaharlar rivojlanishi vaziri Abbos Ohundiy ma'lum qildi.

O‘z navbatida Airbus vakili kelishuv Erondan sanksiyalar olinmaguncha tuzila olmasligini aytdi.

Eron hukumati mamlakat yangi samolyotlarga ehtiyoj sezishiga qaramasdan, barchasi qonunga muvofiq bo‘lishi kerakligi va embargolar olinmagunga qadar bu masalada hech qanday tijoriy muzokaralar bo‘lmasligini aytdi.

Eron tashqi ishlar vaziri Muhammad Javod Zarifning fikricha, Erondan sanksiyalar 16 yanvardan bekor qilinishi kerak.