Shoxruh Gadoyev Bahrayn chempionati jamoasiga o‘tadi

Qarshining “Nasaf” jamoasi yarim himoyachisi, o‘z vaqtida terma jamoa safida ham faoliyat yuritgan Shoxruh Gadoyev Bahraynda to‘p tepadigan bo‘ldi.

Jamoa rasmiy saytining xabar berishicha, Shoxruh Gadoyev Bahraynning “Muharrah” klubiga o‘tadi. Gadoyev ushbu klub bilan o‘zaro kelishuvga erishgan. U shu kunlarda Bahraynga boradi va klub bilan shartnoma imzolashi kutilmoqda.

Shartnoma muddati va miqdori hozircha ma'lum emas.