"Fiorentina" Rossini "Levante"ga ijaraga berdi

Italiyaning "Fiorentina" jamoasi hujumchisi Juzeppe Rossi ijara asosida Ispaniyaning "Levante" jamoasiga o‘tdi. Bu haqda ispaniyaliklar jamoasi rasmiy sayti tvitterida xabar berilgan.

"Levante" 28 yoshli futbolchini mavsum oxirigacha ijaraga olganini tasdiqlagan. Yaqin vaqt ichida italiyalik futbolchi tibbiy ko‘rikdan o‘tish uchun Ispaniyaga uchib ketadi. Oldinroq hujumchi "Vilyarreal" sharafini himoya qilgan edi.

Ma'lumot uchun, Rossi joriy mavsumda "Fiorentina" safida 11 uchrashuvda ishtirok etdi va 2ta golli uzatma muallifi bo‘ldi.