O‘zbekistonlik rapira ustasi Belarusdagi turnirda sovrindor bo‘ldi

Qilichbozlik bo‘yicha Belarus kubogi ochiq chempionatida o‘zbekistonlik sportchi Gulmira Ziyoyeva kumush medalga sazovor bo‘ldi.

«Mazkur musobaqada Gulmira belaruslik hamkasblarimiz bilan hamkorlikda tashkil etilgan mashg‘ulotlar ishtirokchi sifatida qatnashdi. Gulmiraning eng asosiy yutug‘i turnirda Yevropaning nomdor rapira ustalariga qarshi o‘z imkoniyatini sinab ko‘rish imkoniga ega bo‘ldi», deydi O‘zbekiston terma jamoasi maslahatchi murabbiy Aleksandr Romankov «Pravda Vostoka» nashriga bergan intervyusi chog‘ida.

Hozirda o‘zbekistonlik qilichbozlik ustalari aprel oyida Xitoyda bo‘lib o‘tadigan Osiyo chempionatiga tayyorgarlik ko‘rishmoqda. Mazkur musobaqada vakillarimiz Olimpiada yo‘llanmasi uchun kurash olib borishadi. Hozirda Rio yo‘llanmasi uchun Ziyoyevadan tashqari, shpaga ustalari Ruslan Kudayev va Roman Aleksandrov ham asosiy da'vogar sanalishmoqda.