Mashhurlarning Instagram yulduzlariga aylangan farzandlari

“Darakchi” gazetasi o‘zbek shou-biznesi yulduzlarining Instagram tarmog‘i orqali chiqishlar qilib, muxlislar orttirib ulgurgan farzandlarining mitti reytingini e'lon qildi.

Birinchi o‘rinni Shahzodaning kenja o‘g‘li Xolid egalladi. Xonanda deyarli har kuni o‘g‘lining suratini joylashtirib, unga ta'rif berib boradi. Xolid bugun nafaqat oilasining erkatoyiga, balki Shahzoda muxlislarining ham yoqimtoyiga aylangan. Xolidning reklama roliklaridagi ishtiroki unga yanada kattaroq shuhrat olib keldi.

Ikkinchi o‘rinda O‘zbekistonda xizmat ko‘rsatgan artist Rayhon G‘aniyevaning egizaklari – Islom va Imron egallab turibdi. Xonanda bir yoshgacha o‘g‘illarining suratlarini muxlislarga ko‘rsatmadi. Ammo hozir xonanda har bayram va dam olish kunlarida vaqtini farzandlari bilan qay tarzda o‘tkazayotganini suratlari bilan “so‘zlab” beradi.

Uchinchi o‘rin esa xonanda Nilufar Usmonovaga nasib etdi. Xonandaning uch o‘g‘lining suratlari ijtimoiy tarmoqda ko‘p bo‘lib, ularni virtual olamda ko‘pchilik taniydi. Hatto Saida'zamxon, Ibrohimjon, Sulaymonxonlarni ismi bilan biladigan muxlislar kam emas. Bu esa xonanda bolalarining suratlarini muntazam ravishda ijtimoiy tarmoqdagi o‘z sahifasida joylashtirib borgani natijasidir.