07:05 / 02.02.2016
2439

Xitoyda Renault avtokonsernining birinchi zavodi ochildi

Fransiyaning  Renault avtokonserni 2017-2022 yillar uchun mo‘ljallangan strategik rejasida Xitoyga markaziy o‘rin ajratmoqchi, deb xabar bermoqda Renault-Nissan alyansi rahbari Karlos Gonga iqtibos keltirgan holda Economic Times nashri.

"Renault Xitoyga tobe emas, Xitoy biz uchun bir imkoniyat. U keyingi strategik rejamizda markaziy o‘rinni egallaydi", deb aytdi Gon 1 fevralda Xitoyning Uxan shahrida kompaniyaning birinchi yig‘uv zavodi ochilishi marosimida.

Gon Renault Xitoyda yengil avtomobillar ishlab chiqarishga litsenziyaga ega ekanligini, ayni vaqtda yo‘ltanlamaslar ishlab chiqarish imkoniyatini ko‘rib chiqayotganini ta'kidlab o‘tdi.

Renault’ning Xitoyning Dongfeng Motor Group bilan birgalikda yaratgan qo‘shma korxonasi rahbari Jak Danielning ma'lumotlariga ko‘ra, 870 mln yevrolik zavodning ishlab chiqarish quvvati yiliga 150 ming avtomobilni tashkil qiladi va bu hajm 2-3 barobarga oshirilishi mumkin.    

Top