Buxorolik tamagir uzoqqa bora olmadi

Buxoro viloyati, Qorovulbozor tumani DSI tekshiruvlar sho‘'basi lavozimida ishlab kelgan Shavkat Kamolov o‘z mansabini suiste'mol qilib, 1100 AQSh dollari pora olayotganida qo‘lga tushdi. Bu haqida “Huquq” nashri habar beradi.

Shavkat Kamolov 2011 yilning noyabr oyidan boshlab Qorovulbozor tumani DSI tekshiruvlar sho‘'basi lavozimida ishlab kelgan. U mansab mavqeidan foydalanib, Nazorat qiluvchi organlar faoliyatini muvofiqlashtirish Respublika kengashining 4-sonli qarori bilan tasdiqlangan reja jadvali hamda Qorovulbozor tuman davlat soliq inspeksiyasining 2015 yil buyrug‘iga asosan tumandagi lyuks “Sarbon-Sardoba” mas'uliyati cheklangan jamiyatning 2011-2014 yillardagi faoliyatini tekshiradi.

Sh. Kamolov tekshirish yakunlari haqida dalolatnomani yozmay turib, soliqlarni to‘lashda kamchiliklar borligini ro‘kach qilib, MChJ raisi Ulug‘bek Oqiyevdan bu ishni yopish uchun 1100AQSh dollari so‘raydi. Bu haqida Oqilov huquqni muhofaza qilish organlariga habar beradi va 2015 yil 4 mart kuni Sh. Kamolov MChJ raisi U.Oqilovdan 1100 AQSh dollarini olayotganda huquqni muhofaza qiluvchi organ hodimlari tomonidan qo‘lga olindi. O‘z mansabini su'istemol qilgan Sh. Kamolov 4 yil muddatga ozodlikdan mahrum etildi.