Xitoyda Osiyo iqtisodiy forumi boshlanadi

Jahon iqtisodiyotidagi so‘nggi tendensiyalar, Osiyo mamlakatlarida yangi iqtisodiy inqiroz tahdidlari, rivojlanayotgan mamlakatlarning jahon iqtisodiyotida tutgan o‘rni hamda Rossiya va Xitoy hamkorlik munosabatlari – Boao (Janubiy Xitoyning Xaynan orol provinsiyasi)da 2001 yildan buyon an'anaviy tarzda o‘tkazib kelinadigan navbatdagi Osiyo iqtisodiyot forumining asosiy muzokara va debat mavzulari etib belgilandi.

“Jahon iqtisodiyoti Xitoyga keng innovatsion bozorni taklif etdi va XXR rivojlanishiga zamin yaratdi. Ayni paytda Yevropa mamlakatlarida yangi innovatsiyalar sonining kamayishi va AQSh innovatsion salohiyatining susayishi kuzatilmoqda. Xitoy ularning o‘rnini egallashi va yangi innovatsiya manbasiga aylanishi mumkin. Shu sababdan XXR yaqin yillarda iqtisodiy tamaddunning yangi modeliga o‘tishi mumkin”, - deb ma'lum qildi forum ochilish arafasida iqtisodchi Edmund Felps, 2006 yilda iqtisodiyot yo‘nalishi bo‘yicha Nobel mukofoti laureati.

Osiyo taraqqiyot banki yetakchi iqtisodchisi Vey Shantszinning so‘zlariga ko‘ra, forum ishtirokchilari Osiyo mamlakatlari iqtisodiy ahvoliga ko‘proq diqqat qaratishlari lozim.

Forum ochilish marosimi arafisida XXR tashqi ishlar vazirligi rasmiy vakili Lu Kanning ma'lum qilishicha, bu yil forumda 12 mamlakat – Belgiya, Vetnam, Kambodji, Laosa, Myanma, Tailand, Nepal, Litva, Indoneziya va Janubiy Koreya davlatlari vakillari ishtirok etadilar.

Bu yilgi 15-forum “Osiyoning yangi kelajagi: yangi dinamika, yangi kuchlar” shiori ostida o‘tadi. Forum doirasida rejalashtirilgan 83 ta tadbirda 2 ming nafar siyosatchi, iqtisodchi va tadbirkorlar ishtirok etishi kutilmoqda.