O‘zMU Axborot xizmati talabalar turar-joylaridan Facebook va boshqa ijtimoiy tarmoqlarda, nuuz.uz portalida yoritilgan eng sermazmun va qiziqarli fotoreportajlar tanlovini e'lon qiladi.
So‘nggi paytlarda O‘zMUda fotoreportajchilar soni va salmog‘i tobora ortib bormoqda. Bugun «Yoshlik» talabalar shaharchasida — Mirzo Ulug‘bek nomidagi O‘zbekiston Milliy universiteti talabalar turar-joylarida o‘tkazilgan Navro‘z bayramini aks ettiruvchi fotolavhalar ko‘psonli muxlislarda katta qiziqish uyg‘otdi. Shu munosabat bilan O‘zMU Axborot xizmati Talabalar turar-joylaridan Facebook ijtimoiy tarmog‘ida yoritilgan fotoreportajlar tanlovini e'lon qiladi.
Tanlov shartiga ko‘ra, O‘zMU axborot xizmati Talabalar turar-joylarida o‘tkazilgan Navro‘z bayramini aks ettiruvchi fotolavhalarni Facebook ijtimoiy tarmog‘idan olib, uchildiz.uz saytida joylashtirmoqda.
Mazkur fotoreportajlarga bildirilgan fikrlar soni inobatga olingan olingan holda tanlov g‘olibi aniqlanadi.
Tanlov g‘olibi maxsus diplom va mukofot bilan taqdirlanadi.
Tanlovga tanlab olingan fotolavhalarga 2016 yilning 31 mart kuni soat 22.00gacha fikr yozish mumkin.
Tanlov g‘olibi 2016 yil 1 aprel kuni e'lon qilinadi.