Bryussel shahridagi Zaventem xalqaro aeroportining faoliyati tiklanishi muddati mavhum bo‘lib qolmoqda. Bu haqda aeroport saytida ma'lum qilingan.
Xabar qilinishicha, 22 mart kuni portlashlar sodir etilgan bu aeroportda 29 mart kuni terakt tufayli yetkazilgan moddiy zararni hisoblash bo‘yicha tekshiruv o‘tkaziladi.
"Oxirgi kunlarda aeroport faoliyatining tiklanishi borasida bir qancha tahlillar olib borilmoqda. Bu jarayon qachon yakunlanishi aniq emas", deyiladi aeroport matbuot xizmati xabarida.
Bundan oldinroq, Bryussel aeroporti 29 martgacha yopiq bo‘lishi haqida xabar berilgandi.